Հարիսան հայկական ավանդական կերակուր է , որն ունի բազմամյա պատմություն։ Այն հիմնականում պատրաստում են ձմռանը:
Հարիսայի ծեսին ընդառաջ ունեցանք ընտանեկան նախագիծ՝ «Հարիսայի ծեսը ընտանիքում» նախագիծը։ Նախակրթարանի սեբաստացիներն առաջին անգամ էին հարիսա եփում, բայց այնպես հմտորեն էին այդ ամենը անում։ Մայրիկների օգնությամբ գնումներ կատարեցին: Սեղան գցեցին և չմոռացան սեղանին դնել իրենց պատրաստած համեղ թթուն: Վստահ եմ, բոլոր սաներիս եփած հարիսան շատ համեղ է ստացվել:
Ղափամայի ծեսն Արևելյան դպրոց-պարտեզի 2-4 տարեկանների խմբում կրթահամալիրի ուսումնական օրացույցով ավանդական տոներից մեկն է։ Դպրոցը-ծեսի բաց արհեստանոց տոնի ցուցադրության նախագծեր.
Ծեսի խոհանոց-դդմագովք՝ հրապարակված-նկարագրված-ձևավորված բաղադրատոմսերով Զրույց դդմի մասին-երեխաներին ծանոթացնում ենք դդում բանջարեղենի հետ, պատմում դդմի օգտակար հատկությունների մասին։ Պատմում ենք, թե ինչպես է պատրաստվում Ղափաման
Մասնակիցներ` Արևելյան դպրոց-պարտեզի 2-4 տարեկաններ
Նախագծի նպատակը
Դդմի մասին նոր տեղեկությունների ձեռքբերում
Դդմի օգտակար հատկություններին մասին տեղեկությունների ձեռք բերում
Ղափամայի ծեսի նախապատրաստում
Նախագծի խնդիրները
Բանավոր խոսքի զարգացում
Լեզվամտածողության և երևակայության զարգացում
Բառապաշարի հարստացում
Հաղորդակցական կարողությունների զարգացում
Արագ կողմնորոշվելու կարողություն զարգացում
Տեսածի, լսածի շուրջ կարծիք կազմելու և ազատ ինքնարտահայտվելու կարողության զարգացում
Ինքնուրույնության զարգացում, համատեղ աշխատելու կարողությունների ձևավորում
Ղափամայի պատրաստում
Դդումներից մեկով պատրաստել ծիսական Ղափամա: Նախապես ուսումնասիրել բաղադրատոմսը, պատրաստման առանձնահատկությունները: Կեղևը մաքրում ենք, վերևի մասը կափարիչանման կտրում, կորիզները հանում, մեջը լցնում ենք եփած բրինձ, կարագ, չամիչ, չրեր, մեղր և համեմում։ Այնուհետև տեղափոխում ջեռոց։